काठमाडौं । पाटनबाट सन् १९८५ मा हराएको प्राचीन मूर्ति बेलायतमा फेला परेको छ । मूर्तिको खोजीकार्य जारी रहेको अवस्थामा बेलायती निजी संकलकले बेलायतस्थित नेपाली दूतावासलाई उक्त मूर्ति बुझाएको दुतावासले जनाएको छ ।
११औं शताब्दिको मानिएको उक्त ‘सूर्य मूर्ति’ बेलायतले नेपालमा फिर्ता पठाइएको बेलायतस्थित नेपाली दूतावासले जनाएको छ । दूतावासले एक विज्ञप्ति जारी गर्दै उक्त कलाकृति ७९ सेन्टिमिटर उचाइ, १५ सेन्टिमिटर चौडाइ र ४१ किलोग्राम तौल रहेको जनाएको छ ।
सांस्कृतिक कलाकृति फिर्ता गरिनुले हराएको सांस्कृतिक वस्तुको पुनःस्थापनाका लागि नेपालको प्रयासमा सकारात्मक योगदान पु¥याएको दूतावासले जारी गरेको विज्ञप्तिमा उल्लेख छ ।
यस्तै उक्त मूर्ति नेपाल सरकारको पूरातत्व विभागमार्फत् यसको वास्तविक स्थानमै पठाइने पनि बताइएको छ ।
.jpg)
