काठमाडौं, एजेन्सी । आजकल विश्वका विभिन्न देशमा संघर्ष चलिरहेको छ । कतै महामारी फैलिएको छ त कतै देशभित्रै गृहयुद्ध चलिरहेको छ । केही देशहरू आपसमा लडिरहेका छन् । तर यी सबैले त्यहाँको आर्थिक अवस्थालाई असर गरिरहेको छ र जनताको जीवनस्तर निकै तल खस्केकोे छ । अफ्रिकी देशहरूमा यस्ता धेरै देश छन्, जहाँ गरिबी दिनप्रतिदिन बढ्दै गइरहेको छ । त्यहाँ गरिबी यस्तो अवस्थामा पुगेको छ कि जनताले खाना र शुद्ध पानी समेत पाउन सकेका छैनन् । जानौं विश्वका ती १० देशका बारेमा जहाँ गरिबी चरम सीमामा छ...
०१ ग्लोबल फाइनान्सको प्रतिवेदन अनुसार दक्षिण सुडान विश्वको गरिब देशको सूचिमा पहिलो नम्बरमा छ । जसको कुल ग्राहस्थ उत्पादन दर (जीडिपी) ५१६ डलर छ ।े यसलाई नेपाली रुपैयाँमा बदल्दा यो लगभग ६८,११२ रुपैयाँ हुनेछ । सन् २०११ मा भएको हिंसापछि यो तहसनहस भएको थियो । तेलको भण्डारमा धनी, करिब ११ करोडको भूपरिवेष्ठित राज्यले भोकमरीको सामना गरिरहेको छ । (फोटो–एएफपी)
०२ गरिब देशको सूचीमा बुरुण्डी दोस्रो स्थानमा छ । यो देशमा १ करोडभन्दा बढी मानिस बस्छन् । जसमध्ये ९० प्रतिशत आफ्नो जीविकोपार्जनका लागि कृषिमा निर्भर छन् । यहाँ जनताले जीवनयापनका लागि आधारभूत सुविधा समेत पाउन सकेका छैनन् । यहाँ करिब १२ वर्षदेखि गृहयुद्ध चलेको छ । यहाँ प्राकृतिक स्रोतको अभावले जनतालाई भोकमरीको खाडलमा धकेलिएको छ । यसको जीडीपीको कुरा गर्ने हो भने देशको कुल जीडीपी ८९१ डलर छ । (फोटो– ग्रिफ ट्यापर÷आईआरसी)
०३ योसँगै सेन्ट्रल अफ्रिकन रिपब्लिक गरिब देशको सूचीमा तेस्रो नम्बरमा आउँछ, यो देश सन् १९६० मा फ्रान्सबाट स्वतन्त्र भएको थियो । तर धेरै पटक यहाँ सत्ता उथलपुथल भयो र देश बर्बाद भयो । यस देशको कुल जीडीपी १,१२७ डलर छ । (फोटो–सामाजिक मिडिया)
०४ सोमालिया गरिब देशको सूचीमा चौथो नम्बरमा छ । सोमालियाको कुल जीडीपी १३७४ डलर हो । (फोटो–एड राम गेटी
०५ पाँचौं गरिब देशको कुरा गर्दा, यो प्रजातान्त्रिक गणतन्त्र कंगो हो । यो देश प्राकृतिक सम्पदामा धनी छ । तर पनि यो देश निकै गरिब छ । यहाँका जनताको अवस्था निकै दयनीय छ । यस देशको जीडीपी १,४७४ डलर छ ।
०६ त्यस्तै, छैठौं गरिब देशको सूचिमा अफ्रिकी मुलुक मोजाम्बिक हो । यस देशको कुल जीडीपी १,५५६ डलर छ । (फोटो–एएफपी÷अल्फ्रेडो जुनिगा)
०७ त्यसैगरि सातौं गरीब देशको सूचिमा नाइजर पर्दछ े। नाइजर पनि सन् १९६० मा फ्रान्सबाट स्वतन्त्र भएको थियो । आज देशको अवस्था यस्तो छ कि यहाँका झण्डै ८० प्रतिशत जनता विद्युत, स्वास्थ्य र आधारभूत सुविधाबाट बन्चित छन् । यहाँका अधिकांश जनता ग्रामीण क्षेत्रमा बसोबास गरिरहेका छन् । यस देशको जीडीपी १,६०० डलर छ । (फोटो– ओलम्पिया डे माइसमन्ट÷एएफपी)
०८ मलावी सबैभन्दा गरिब देशको सूचीमा आठौं नम्बरमा छ । मिडिया रिपोर्टका अनुसार मलावी अफ्रिकाको एउटा यस्तो देश हो जहाँ ७० प्रतिशतभन्दा बढी जनसंख्या दैनिक २०० रुपैयाँभन्दा कममा जीवन बिताउँछन् । यस देशको कुल जीडीपी १,६८२ डलर रहेको छ ।
०९ गरिब देशको सूचीमा चाड नवौं नम्बरमा छ । यस देशको जीडीपी १,७८७ डलर छ । (फोटो–एएफपी)
१० लाइबेरिया गरिब देशको सूचीमा १० औं नम्बरमा छ । यो अफ्रिकाको सबैभन्दा पुरानो देशहरू मध्ये एक हो । यो देशमा सन् २००३ सम्म गृहयुद्ध चलेको थियो । यस देशको कुल जीडीपी १,७८८ डलर रहेको छ ।