यी ४ खानेकुरा जसले हृदयघात रोक्छ र रगतमा चिनीको मात्रा बढाउँदैन

काठमाडौ, एजेन्सी । विश्व स्वास्थ्य संगठनका अनुसार विश्वभर करिब १ अर्ब २८ करोड मानिसमा रक्तचापको समस्या रहेको छ । जसमध्ये ७५ लाख मानिसको उच्च रक्तचापका कारण मृत्यु हुन्छ । उच्च रक्तचापका कारण हृदयाघात वा मुटुसँग सम्बन्धित रोगको जोखिम धेरै गुणा बढ्छ । एक तथ्याङ्क अनुसार विश्वमा ४२ करोड २० लाख भन्दा बढी मानिसहरू मधुमेहबाट पीडित छन् । यससँगै हरेक वर्ष करिब १५ लाख मानिसको प्रत्यक्ष वा अप्रत्यक्ष रूपमा मधुमेहका कारण मृत्यु हुने गरेको छ ।

नेपालमा पनि चार लाख ३६ हजार मधुमेहका बिरामी रहेको डब्लुएचओको प्रतिवदनमा जनाएको छ । त्यस्तै डब्लुएचओले २०३० सम्म मधुमेहका विरामीको संख्या १ करोड बढी नाघ्ने प्रक्षेपण गरेको छ । चाखलाग्दो कुरा के छ भने यी दुवै रोगका लागि मुख्यतया मानवको दैनिक जीवनशैली जिम्मेवार छ । यदि हामीले दैनिक जीवनशैलीमा सुधार गर्दै केही खानेकुरालाई आफ्नो आहारमा समावेश ग¥यौं भने यी दुवै रोगबाट बच्न सकिन्छ ।

हाम्रो वरपर धेरै प्रकारका खानेकुराहरू छन् । यदि हामीले यिनको सही प्रयोग गरी प्राकृतिक रूपमा सेवन गरेमा भने हामी धेरै रोगहरूबाट बच्न सक्छौं । विज्ञहरुका अनुसार जुन मौसममा वस्तो प्रकारको पाइन्छ सोही तरकारीको नियमित सेवनले धेरै रोगबाट बच्न सकिन्छ ।

यी खानेकुराले तपाईंलाई मुटु रोग र मधुमेहबाट बचाउनेछ

१. हरियो पात भएका तरकारीहरू– सामान्यतया हामी हाम्रो खानामा हरियो सागपातहरू बेलाबेलामा समावेश गर्छौं, तर यसलाई सामान्य रूपमा लिने गल्ती कहिल्यै नगर्नुहोस् । यी सागपातले हामीलाई धेरै रोगबाट बचाउँछ । रिपोर्टमा जनाए अनुसार जति धेरै हरियो सागसब्जी हुन्छ, त्यसमा भिटामिन ए, सी, ई, के र म्याग्नेसियमको मात्रा बढी हुन्छ । धेरै प्रकारका एन्टिअक्सिडेन्टहरूले फ्री रेडिकलहरूबाट जोगाउनेछन्, जसका कारण कोशिकाहरूमा अक्सिडेटिभ तनाव हुँदैन । यसले कुनै पनि बाह्य रोगको जोखिमबाट बच्नेछ । यसलाई हरेक दिन सलादमा पनि लिन सकिन्छ । यी चीजहरूले कोलेस्ट्रोल कम गर्छ र रगतमा चिनीको मात्रा बढ्न दिदैन । यौवनकालदेखि नै खाइयो भने दुवै रोगको जोखिम निकै कम हुन्छ ।

२. चिसो पानीको माछा–साल्मन, टुना, सार्डिन चिसो पानीमा पाइने माछा हुन् । यसमा ओमेगा ३ फ्याटी एसिडको कमी हुँदैन । ओमेगा ३ फ्याटी एसिडले ट्राइग्लिसराइडलाई बढ्न दिँदैन, जसले कोलेस्ट्रोललाई पनि कम गर्छ र मुटुलाई स्वस्थ बनाउन मद्दत गर्छ । यी माछाले मधुमेह नियन्त्रणमा पनि धेरै मद्दत गर्छ ।

३. बदाम – बदाम मुटु सम्बन्धी स्वास्थ्यको लागि एक सुपरफुड मानिन्छ । यसमा धेरै प्रकारका भिटामिन, मिनरल्स, ओमेगा ३ फ्याटी एसिड र धेरै प्रकारका एन्टिअक्सिडेन्ट पाइन्छ । भिजाएर राखेको बदामको दाना, ओखर, बदाम आदि हरेक बिहान खाली पेटमा सेवन गर्न सक्नुहुन्छ । पब मेड सेन्ट्रलको अनुसन्धानको रिपोर्ट अनुसार हप्तामा ५ वटा बदाम मुटुलाई बलियो बनाउन पर्याप्त हुन्छ । बदाममा धेरै ऊर्जा हुन्छ । यसले ब्लड सुगरलाई पनि नियन्त्रण गर्छ ।

४. जैतुनको तेल– तपाईले तेललाई ट्रान्स फ्याट र असंतृप्त फ्याटलाई जैतूनको तेलले बदल्न सक्नुहुन्छ । जैतुनको तेलमा उच्च मात्रामा एन्टिअक्सिडेन्ट पाइन्छ र यो एन्टि–इन्फ्लेमेटरी हो । अर्थात्, यसले मुटुको मांसपेशीमा कुनै पनि प्रकारको सुजन हुन दिँदैन । यसका साथै यसले मधुमेहलाई पनि नियन्त्रण गर्छ । जैतुनको तेल पनि फाइदाजनक छ किनभने यसले उच्च तापक्रममा पनि यसको गुण गुमाउँदैन ।