काठमाडौं, एजेन्सी । गर्मी मौसम सुरु भएसँगै बजारमा विभिन्न प्रकारका आइसक्रिम आउन थालेका छन् । बच्चा होस् वा बुढा सबैलाई आइसक्रिम मन पर्छ । आइसक्रिम फरक–फरक मूल्यका हुन्छन्, कतिपय १० रुपैयाँ देखि ५०० रुपैयाँसम्मका पाइन्छ । व्यक्तिले आफ्नो खल्तीको क्षमता अनुसारको आइसक्रिम खान्छ । तर संसारमा एउटा यस्तो आइसक्रिम छ, जुन धनी मानिसले मात्रै किन्न सक्छ, किनकि यो यति महँगो भएकोले गरिबले किन्न ऋण लिनुपर्ने हुनसक्छ, र यसको बदलामा एउटा राम्रो गाडी किन्न सकिन्छ ।
अडिटी सेन्ट्रल न्युज वेबसाइटको रिपोर्ट अनुसार गत अप्रिल २५ मा एउटा नयाँ आइसक्रिमले विश्वकै महँगो आइसक्रिमको कीर्तिमान बनाएको छ र पुरानो रेकर्ड तोडेको छ । जापानको आइसक्रिम निर्माता सिलाटोले ब्याकुया नामक आइसक्रिम बजारमा ल्याएको छ । यो नयाँ प्रोटिन युक्त आइसक्रिम हो जुन विश्वकै सबैभन्दा महँगो आइसक्रिम बनेको छ ।
यसमा विशेष चम्चा आइसक्रिमसंग आउँछ
यसमा मखमली आधार छ जुन दूध, दुई प्रकारको चीज, अण्डाको पहेंलो भागबाट बनेको हुन्छ । यस बाहेक पारमिजियानो चीज, सेतो ट्रफल, ट्रफल आयल जस्ता धेरै चीजहरू यस आइसक्रिममा मिक्स गरिएको छ ्। आइसक्रिम एक स्टाइलिश ब्ल्याक बक्समा आउँछ र क्योटोका शिल्पकारहरूले मन्दिरहरू बनाउन प्रयोग गर्ने एउटै प्रविधि प्रयोग गरेर हातले बनाएको धातुको चम्चा यसको साथमा आउँछ ।
आइसक्रिमको मूल्य कति पर्छ ?
अब हामीले आइसक्रिमको बारेमा सबै कुरा बताइसकेका छौं, आउनुहोस् तपाईलाई यसको लागतको बारेमा पनि बताउनेछौं । कम्पनीको वेबसाइटमा १३० एमएल ब्याकुया आइसक्रिम उपलब्ध छ, जसको मूल्य ६७०० डलरभन्दा बढी अर्थात् ८ लाख रुपैयाँभन्दा बढी छ । यसअघि आइसक्रिममा आउने चम्चा यति महँगो हुने अनुमान गरिएको थियो कि आइसक्रिमको मूल्य पनि बढाइएको थियो तर त्यस्तो नभएको भन्दै गिनिज वल्र्ड रेकर्डले चम्चाको हिसाब नगरी आइसक्रिमको यो मूल्य दिएको हो । आइसक्रिम बनाउने कम्पनीले सेतो वाइनसँग खाँदा यसको स्वाद राम्रो हुने बताएको छ ।