काठमाडौं । सन् २०२३ मा आर्टिफिसियल इन्टेलिजेन्स अर्थात एआईको निकै चर्चा छ । ChatGPT को लोकप्रियता पछि, अधिक मानिसहरू AI उपकरणहरू प्रयोग गर्दै छन् । यसैबीच एउटा नराम्रो खबर छ । ह्याकरहरूले हरेक लोकप्रिय सामग्रीमा नजर राख्छन् । यस्तो अवस्थामा, यस पटक एक नयाँ अनलाइन घोटाला सामुने आएको छ, जहाँ ह्याकरहरूले एआई–जेनरेट गरिएको यूट्यूब भिडियोहरू प्रयोग गरेर मानिसहरूलाई मालवेयर डाउनलोड गर्न प्ररित गरिरहेका छन् ।
आईटी सेक्युरिटी इन्टेलिजेन्स कम्पनी क्लाउडसेकका अनुसार, गत वर्ष नोभेम्बरदेखि, युट्युबमा डाटा चोर्ने मालवेयरको लिङ्कहरू समावेश गर्ने भिडियोहरूको लागि मासिक आधारमा २००–३०० प्रतिशतले वृद्धि भएको छ । यसमा Vidar, RedLine र Raccoon जस्ता मालवेयर समावेश छन् । यी लिङ्कहरू भिडियोको विवरणमा उपस्थित छन् ।
कम्पनीले जनाए अनुसार यस प्रकारका भिडियोहरूमा फोटोसप, प्रिमियर प्रो, अटोडेस्क थ्रीडी म्याक्स, अटोक्याड र अन्य उत्पादनहरूका लागि क्राक संस्करणहरू डाउनलोड गर्ने ट्यूटोरियल रहेको बहाना गरिएको हुन्छ ।
यी ट्यूटोरियल भिडियोहरूमा सामान्यतया भिडियो रेकर्डिङहरू वा सफ्टवेयर डाउनलोड गर्ने इन्स्टल गर्ने आवश्यक चरणहरूको अडियो क्लिप्सहरु समावेश गरेका हुन्छन् । रिपोर्टमा भनिएको छ कि ट्यूटोरियल भिडियोहरूमा प्रयोग हुने सिन्थेसिया र डी–आईडी जस्ता प्लेटफर्महरूबाट एआई–उत्पन्न भिडियोहरूको प्रयोगमा वृद्धि भएको छ ।
यस प्रकारको भिडियोहरूमा गरिने प्रस्तुतिकरणmे मानिसहरूमा अधिक बिस्वास उत्पन्न हुन्छ । साथै, यी भिडियोहरू विभिन्न भाषाहरू र प्लेटफर्महरू (ट्विटर, यूट्यूब, इन्स्टाग्राम) को लागि समेत बनाएका हुन्छन् । जसले गर्दा पीडितहरू ‘नक्कली’ प्रमाणिकरणको जालमा फस्छन् । यी मालवेयरले प्रणालीबाट पासवर्ड, क्रेडिट कार्ड विवरण, बैंक खाता नम्बर र अन्य गोप्य डाटा जस्ता संवेदनशील जानकारी चोर्छन् ।
ह्याकरहरूले कसरी डाटा चोर्छन त ? वास्तवमा, यी एआइ प्लेटफर्मबाट निर्माण गरिएका भिडियोहरूले प्रयोगकर्ताहरूलाई नक्कली वेबसाइटहरूबाट सफ्टवेयर डाउनलोड गर्न र इन्स्टल गर्न आग्रह गर्दछ । जब प्रयोगकर्ताहरू भिडियोमा देखाएकै आधारमा वेबसाइटमा गएर खतरनाक सफ्टवेयर डाउनलोड गर्छन् ।
प्रणालीमा सफ्टवेयर इन्स्टल हुने बित्तिकै उनीहरूले कम्प्युटरबाट डाटा चोर्छन् र आक्रमणकर्ताको कमाण्ड र कन्ट्रोल सर्भरमा अपलोड गर्छन् । वास्तवमा, YouTube मा विश्वव्यापी २.५ बिलियन सक्रिय मासिक प्रयोगकर्ताहरू छन् र यो प्लेटफर्म विशेष गरी ट्यूटोरियलहरूको लागि लोकप्रिय छ । एजेन्सीको सहयोगमा
